呢兩日好多人講Back to the future day,其實今年仲係另一份報告嘅future。
有冇人記得哈佛醫療報告?1997年剛回歸時,老董請左班哈佛教授嚟 review香港醫療制度。其中一部分,係估算由1997年起18年的醫療開支。
18年,就是今個財政年度了。
當年估算今年政府會花幾多錢係公營醫療?3600億港元。
政府實際上花了幾多錢?700億。
舊事重提,唔係想恥笑班專家,而係想大家認真諗諗,點解政府可以維持洗咁少錢係公營醫療?
用官話講,咁叫「成本控制得宜」。
用人話講,咁叫你死你事。政府睇新政排到2019年,所有貴藥都要自費,醫生做到水都唔敢飲多啖(因為冇時間去放水),就係控制支出嘅關鍵。
政府係唔係冇錢改善服務?你見政府起各種中港融合大白象工程時幾咁豪氣干雲就知唔係啦。起高鐵剩係超支個二百幾億已經足夠資助所有cancer病人的標靶藥十幾廿年,但政府寧願倒落鹹水海都唔益你,你唔好彩有病,就預備好要傾家蕩產。
當然一眾高官高薪厚祿,梗係唔會知道民間疾苦。佢地剛剛至加左自己人工3%,但死都唔加畀同級醫生,莫非佢地自以為自己對社會嘅貢獻係大過班醫生咩?
真係笑話,只係我笑唔出。
(文章為作者意見,不代表明報立場,標題為編輯所擬)
【政府開綠燈】醫管局董事局今日會開會討論醫生加薪問題,行政總裁梁栢賢期望能在2至3個月內解決問題。報道:http://goo.gl/2ChbCH【非年年正結餘 醫局財政恐受壓】http://goo.gl/z6OiWL【重量級醫生助陣...
Posted by 明報即時新聞 on 2015年10月21日
相關字詞﹕文摘