近日唔少新智庫成立，部分近被外界視為要為下屆特首選舉「造王」，經民聯監事會主席林建岳籌備智庫，一直只聞樓梯響，但噚日終於有新舉動，搞咗個內部活動發表新書「智庫叢書」《香港特區選舉制度與競選工程》，呢個活動無請傳媒出席，但就搵到各界人士出席，除咗中聯辦宣文部部長朱文、全國政協委員盧文端外，連民主派都有人出席，包括民主黨中委張文光、前黨員狄志遠。
林建岳呢個智庫名為「香港文化協進智庫」，喺5月註冊成立，林建岳當然係智庫主席，《文匯報》前總編輯李曉惠擔任總裁。佢哋話，智庫將會研究工商界參政問題、為香港文化產業的發展提供政策研究服務，以及就特區政府依法施政同香港發展嘅重要問題進行政策研究，提供建議。
呢個智庫仲有其他政商界猛人，好似全國政協常委鄭家純、何柱國、劉長樂等，擔任智庫顧問，學者方面就有劉兆佳、王于漸、程介明等擔任智庫學術研究。
掌握最新消息，請Like「明報即時新聞」fb專頁！ http://www.facebook.com/mingpaoinews
【信不信由你】政府新聞處fb回應：我們不是預言家。報道：http://bit.ly/1Q7bUR3【短片：梁振英指林鄭講事實 曾對港多方面貢獻】http://goo.gl/JLAlC3【短片：梁振英強調律政司獨立不涉政治 籲勿滋擾...
Posted by 明報即時新聞 on Wednesday, October 7, 2015