戴sir今日在facebook專頁「90後教師決戰怪獸家長」上載一篇文章，指有公務員家長致電話投訴，不滿學校沒有為學生制定「文具清單」，教師便不應責怪學生沒有帶齊文具。有關帖文惹來不少人的關注及討論，有人認為該家長誇張、沒禮貌，只會令子女受害，亦有人認為學校有「文具清單」是合適的。
廠商會中學校長麥耀光表示，教書30年從未聽聞「教師要向中學生派文具表」，認為該家長要求「無厘頭」、「不合理」，反問「間尺帶10厘米，抑或15厘米長，是否也要列明？上到大學也要家課冊，列明帶多少張紙、多少支筆抄筆記？這樣的話，學生連基本判斷能力也失去」。他認為，現今部分家長過分保護子女，「動輒投訴學校，將責任推到學校」，令學生不會成長，亦沒學懂為自己的行為負責任。
戴sir原文如下﹕
話說日前收到一位高級公務員Daddy出封Email叫我今日7點鐘打俾佢，點解我知係高級公務員？封Email下面有晒Title撻晒朵，唔方係好嘢啦：
爸爸：我個仔丫，上星期俾你質問「咩事連續幾日唔帶筆上堂」，你做乜咁話佢？
我：我都係關心下佢啫，始終帶齊應有文具上堂有助學習，亦唔需要麻煩其他同學借筆俾佢丫。
爸爸：就係你呢句，乜嘢叫做「應有文具」？你學校有邊張通告有講要帶乜嘢文具上堂丫？
（邊間中學會有通告寫低要帶乜文具上堂丫？）
我：我諗原子筆呢啲應該基本要有嘅。
爸爸：你諗？基本法有無寫丫？你black & white 唔寫清楚點知要帶乜丫？
（睇黎公務員守則冇black & white寫清楚公務員要帶個腦番工，所以某啲公務員真係會唔帶）
我：我同埋其他老師上堂都提過小朋友要帶原子筆番學上堂。
爸爸：你同其他老師？乜水丫？你係張曉明我個仔就聽你講喇。
我：咁家長有乜要求？
爸爸：你地校方應該成立個委員會，研究下究竟學生帶啲乜文具。
我：委員會？
爸爸：係丫，做野梗係要認真啦。為咗市民健康，我地政府都成立左「降低食物中鹽和糖委員會」。
我：降低食物鹽糖都要整個委員會？
爸爸：當然啦調理濃度係一件好重要嘅事。
我：家長仲有無乜要求？
爸爸：成立完個委員會之後，記得black & white寫番清楚學生要帶乜文具，之後教番學生，你學校未整好個List之前唔好再話我個仔唔帶筆上堂。
戴sir其後應學校高層要求，在網上真的找到了其他學校的「文具清單」，有網民質疑真偽，戴sir回應稱﹕「張圖Google我番黎，唔係我自製，即係原來已經有某啲中學（仲要英中）出左文具List，所以覺得個故仔好假果啲，你真係同社會脫左節。」
掌握最新消息，請Like「明報即時新聞」fb專頁！ http://www.facebook.com/mingpaoinews
【火山爆發】專家指，日本已踏入火山活躍期，去日本的旅客們要好好留意了。詳情：http://bit.ly/1ObsK3y【日將入火山活躍期】http://goo.gl/25dTsH【特稿：印尼女「見世面」破童婚枷鎖】...
Posted by 明報即時新聞 on Monday, 14 September 2015