即時港聞

【Emily Online】「誠品生活」將進駐深圳 面積逾32萬平方呎 比銅鑼灣店大近8倍 (23:49)

3年前台灣誠品書店進駐香港銅鑼灣,嚟緊又會喺太古城同尖沙嘴開分店,Emily聽聞最近佢哋繼續擴展業務,今日正式公布「誠品生活」即將會登陸深圳南山華潤城「萬象天地」,面積仲超過3萬平方米(約32萬平方呎),比起銅鑼灣希慎廣場嘅3.6萬平方呎分店大近8倍,預計最快2017年下半年就開幕。

今次係內地第3間誠品分店,蘇州分店會喺今年11月開幕,上海分店亦喺籌備當中。誠品目前喺中、港、台共有43間分店,由起初賣書起家,到今日舉辦唔同嘅閱讀文化活動,亦成為咗台灣文青嘅文創平台。

創辦人吳清友喺發布會形容書店係城市嘅靈魂,又反映城市人嘅心靈素養。不過內地對書籍管制出晒名,Emily就好想知道到時誠品會賣啲咩書同產品啦。

掌握最新消息,請Like「明報即時新聞」fb專頁! http://www.facebook.com/mingpaoinews

【另類砧板】譚仔三哥米線發言人向本報確認事件......報道: http://bit.ly/1ij8YWR【教資會通過香港教育學院正名為大學】 http://bit.ly/1ij4W0M【中「椒」爆竊犯疑多次夜闖學校 失5支水遺下...

Posted by 明報即時新聞 on 2015年9月11日

相關字詞﹕誠品生活 Emily Online

上 / 下一篇新聞