【曼谷大爆炸】居泰港人經營酒吧　憂打擊旅業 「最擔心就係宵禁」 (17:28)

居泰港人陸先生向本報記者表示，當地新聞已公布約10個區域為高危地方，包括素坤逸（Sukhumvit road）、是隆路（Silom road）和勝利紀念碑附近（Victory monument）等，所列的區域均為旅遊區。

陸先生於泰國旅遊區開設的酒吧同樣位於「高危地區」，他擔心事件會繼去年政變後，再次打擊旅遊業，「之前都未起返，而家再爆一爆，一定有排差」。

陸先生於曼谷旅遊區Nana開設酒吧，與四面佛只有約10分鐘的車程，他指現在應為旅遊旺季，但今早外出時，街上一片寂靜，但比平日有更多警察巡邏。

陸先生又指，去年5月泰國軍方發動政變後，經濟已經明顯受影響，「爆咗唔係一個禮拜就無事，我地做生意睇到經濟係點架嘛，之前都未起返，而家再爆一爆，一定有排差，遊客同的士免得過都唔會入呢個area」。

但陸先生指，當地氣氛未有十分緊張，「我附近嘅店舖都有繼續開門做生意，人客係唔多，但最擔心就係會有宵禁」，他相信這會對泰國旅遊業有更大打擊。

陸先生稱，昨晚事發時為曼谷繁忙時間，「收工時，爆嗰個位都非常繁忙，係好多人、多車，我地當地住就知道唔會呢個時間出門」，他一收到爆炸消息，亦有出外了解，後來得知醫院需要華人幫忙翻譯，亦有趕到醫院協助。

「當時都好混亂，人又多，又有家屬，又有記者，好似聯合國咁，都有唔少香港人。」陸先生指除了翻譯，亦有華人駕車幫忙接送家屬到不同的醫院了解，或將較輕傷的傷者送回酒店。