【威嚇銷售】前健身教練大踢爆　最兇狠「圍劏」招數：今日唔報唔畀走 (20:24)

陳先生向本報記者大爆行內推銷客人的手法。他說健身教練和銷售員一樣，要靠佣金維生，都需要「孭數」，每月需交數3至5萬元，「教練孭嘅數更多，好多時都喺企係度，你唔識做先嚟教下你，最主要都係搵客sell」，不少健身教練的月薪有7至8萬元，可見回佣不少。

他解釋，公司一般會先邀請新顧客試玩，並要求顧客親身到分店領取優惠，有教練甚或於顧客簽約後才給予「試玩卡」，顧客因此被逼入會，才可以享有優惠。當顧客入會後，健身教練又會再化身銷售員，向會員力推其他課程，如一對一健身教練課、瑜伽或拳擊等，課程之多，數之不盡，教練會一推再推，務求達標為止。

他見過最兇狠的教練，可以指著顧客大罵起來，「講到今日唔報，唔會畀你走，唔會畀試玩卡你」，而最團結之事，就莫過於健身教練和銷售員輪流「圍劏」顧客一至兩小時，如果你仍未願意簽約，就會「假仁假意」送你一堆免費課程，但事實上大部分都是所謂的體能測試課，均是用來推銷的時間，屆時又可再度轟炸客人。

陳先生奉勸大家，若不想誤墜陷阱，要「企硬」，簽署或提供信用卡前，必須三思，成功離場才是贏家。