37歲港男豪花40萬元求婚，包括安排直升機於維港拉起巨型橫額等，引來熱論。近日四出宣傳的自由黨榮譽主席田北俊認為或可仿效，「好似有得搞」。
田北俊於facebook上載他落區擺放易拉架及旗幟等宣傳品相片。他留言稱，其助手曾說：「田生，四十萬你實有。不如你抄Victor哥（上述37歲港男）用直升機拉banner，咁我哋咪唔使日日企街咁辛苦？」但他直言：「大嗱嗱四十萬咁使法，我以後唔使出來行啦！」
不過其助手未死心，繼游說田北俊指：「但係啲女仔（女性選民）鐘意『Something exciting，amazing and not traditional』喎！」田北俊透露，他當時表面叫助手「快啲幫手抹乾淨個易拉架留返下次用啦」，但心想：「好似有得搞喔，你哋話喇？哈哈哈。」
田大少出動，不少網民都表示支持，形容他是「政界抽水王」，但亦有網民質疑「你的助手就是你」，又說「以田少你嘅實力根本唔洗用呢啲招，留返條橋比豬隊友啦」、「用40萬去搞高級蛇齋餅糉好過用直升機買廣告啦」。
但亦有網民期望田大少利用40萬元幫助弱勢社群，指「40萬買到幾多罐午餐肉派街坊？」