港大學生上月闖校委會抗議有關「等埋首席副校長」決定，引起社會關注，中大前校長劉遵義今在《明報》撰文，指應對參與「暴徒」式行動的年輕人「小懲大誡」。港大校友、商台首席智囊陳志雲直言：「真係好彩佢（劉遵義）依家無再係中大校長咋。」
陳志雲今早在商台節目解釋，仍未知當晚「所謂衝擊事件」中，「邊啲係學生，邊啲唔係學生」，而學生只希望就校委會的荒謬決定，與校委對話，看不到有「暴力」及「暴徒」行為，「（校委會）作出咗呢個決定，全民都覺得係荒謬」。
陳志雲又說，細讀劉遵義文章後，認為不是理性討論，而是感性宣泄，「絕對係為咗內子（港大校委之一、當晚被包圍的劉麥嘉軒）而寫」。
至於劉遵義建議監禁有關年輕人一天或做100小時社會服務令，陳志雲質疑其法治概念何在，「佢提出呢種做法，究竟法治概念喺邊？邏輯係邊度呢？真係好彩佢依家無再係中大校長咋」。
同場的主持人則要求劉遵義講出監禁有關人士理據，「依家香港法例有邊一條你認為可以監禁佢哋一天呢？法理基礎喺邊度呢？」
主持人續說，劉遵義不能接受學生「軟禁」校委，卻接受監禁年輕人這種「硬禁」手法，是「雙重標準」，「法治可以咁樣理解架咩？呢度係香港社會唔係內地呀嘛」。