政務司長林鄭月娥獲特首梁振英委任做第二代「清潔大隊長」，聽日會主持「全城清潔2015@家是香港」起動禮，正式展開清潔運動，到時將有4個局長一齊主禮，分別係食物及衛生局長高永文、環境局長黃錦星、發展局長陳茂波，以及同新紮職的民政事務局長劉江華。
一向同政府默契十足的政黨民建聯，今日搶先飲頭啖湯，搞咗個「潔淨香港兵團」活動，漁農界議員何俊賢同新界西議員陳恒鑌更擔任「總司令」，仲以minions（迷你兵團）打扮現身，實行緊跟政府清潔香港的步伐。
民建聯喺7月初公布咗全港76個衛生黑點，「兵團」工作唔係幫手打掃黑點，而是跟進黑點情况，即係監工角色，督促政府盡快跟進處理咁話。
【命運能選擇？】但願她能重獲新生！ 全文： http://bit.ly/1VRbyCC 【肢解命案遺孤】20歲少女販毒罪成 寫信稱感謝被捕 可從販毒生涯停下來http://bit.ly/1VQZEZo【爆水管累毛巾店損失4.8萬 老...
Posted by 明報即時新聞 on 2015年7月31日
相關字詞﹕Emily Online 民建聯