鉛水事件愈演愈烈，衛生署至今已有逾2000人查詢及預約驗血。不過醫管局指即使要餵哺母乳的媽媽血鉛超標，亦毋須停止餵哺，因為「差唔多安全過最乾淨食水」。
醫管局中毒諮詢中心總監劉飛龍今早在商台節目表示，目前驗出血液含量超標人士，大部分每百毫升血液含鉛量5至15微克，屬輕微超標，對健康沒即時影響，而當每百毫升血含40微克鉛，才算真正高風險，屆時須用藥物治療。
劉飛龍又說，即使要餵哺母乳的媽媽血鉛超標，亦毋須停止餵哺。他解釋說，雖然血鉛超標，低母乳鉛分只有血鉛3%，「分量好低，佢哋血嗰啲奶裏面嘅鉛，比我哋平時普通人飲啲水一樣咁低鉛。完全唔需要停餵奶，繼續餵奶都無問題」。
同場的醫管局質素及安全總監區結成補充說，即使血鉛超標，但母乳「差唔多安全過最乾淨食水」，「餵母乳嘅媽媽（血鉛）係6（微克），3%即係0.18，計返單位換轉係1.8，而食水係10以下安全。母乳裏面係1.8，差唔多安全過最乾淨食水」。
他呼籲家長毋須太過擔心或認定子女有病及中毒，以免影響他們心理。