立法會議員湯家驊（Ronny）10月1號就要離開大家啦，一班唔捨得佢嘅政情記者，今日就趁Ronny仲係立法會，請佢落嚟接受大家的「訪問」啦，順便畀個驚喜佢。
一面正經的Ronny一出電梯，成班記者已經拎起手機影住佢，有行家就話：「有大事發生呀，要回應呀！」Ronny係唔知行家咩葫蘆賣咩藥嘅情况下，笑笑口行埋咪兜，行家問：「聽講你做咗律政司司長，你有咩感受？」Ronny笑住講：「你想我講咩？」又有人問：「你之後想做咩呀？」Ronny忽然一臉認真話：「我想舒舒服服，做返律師囉。」有行家答：「唔係呀，做政府官員先舒服，無嘢做。」
之後Emily同一班行家送上一個砌成立法會外型嘅圓型蛋糕，上面寫住「Good-Bye Ronny」，仲有個Ronny公仔企係立法會門外，Ronny第一時間指住個公仔話：「肯定唔係我啦，我邊有咁靚仔呀，嘩，食唔食得嫁？」又話：「很感動，記者仲有人情味過我啲同事。」
記者再送上歡送禮物 ─ 高爾夫球手襪，Ronny即時試穿，問「你地點知我Size呀？」記者話：「唔緊要！有單的！」原來Ronny話自己隻手偏細，平時自己買都未必啱，點知呢隻啱啱好，Emily在此祝佢身體健康，日日都咁開心啦！
【民建聯職員？】陳解釋，該名義工只是來幫手，見到官員不肯落車接信，故大聲嗌。詳情：http://bit.ly/1V1XNRf【葵聯邨「居民」怒攔水務署：唔好俾佢走！】 民主黨指示威造假：他是民建聯職員 http://bit.ly/1V1Kyjg#明報 #明報即時新聞
Posted by 明報即時新聞 on 2015年7月15日