立法會二讀通過選舉法例（雜項修訂）條例草案，涉及明年立法會選舉多項修訂，其中功能組別問題引起關注。保險界議員陳健波認為，自動當選的功能組別議員因做得好才無人挑戰。
陳健波發言時指，香港需要做實事的功能組別議員，形容「功能組別零票當選」說法離譜，「功能組別點解有些人會自動當選？因為他們業界覺得做得好，無人挑戰佢，所以絕對唔係『零票當選』，應該係『全票當選』，呢個講法比較適當。但好可惜有些市民誤導咗，好多時亂咁噏，話咩『零票當選』，香港可以『零票當選』㗎咩？」
陳健波又說，功能組別被有系統、有計劃地抹黑，強調部分功能組別議員出席率及貢獻，比直選議員大好多，「現在香港有30多位直選議員，已經搞到香港咁亂，如果有70個，大家一齊搞嘢，香港會搞成點呢？反對派經常口不對心，講一套做一套，只會識企硬，不會獨立思想」。
【批評官員】吳秋北指國安法適用於香港，認為官員被問到國安法時「正確答案」應是：「我們會落實《國安法》有關香港部分」。報道：http://goo.gl/KcSWNx【吳秋北指保普聯不會收檔 棄「票債票償」口號 憂市民「唔知罰邊個」】http://goo.gl/Xc563#明報 #明報即時新聞
Posted by 明報即時新聞 on 2015年7月12日