八仙嶺大火生還者張潤衡早前到台灣探訪八仙樂園粉塵爆炸燒傷患者，行動被網民抨擊「抽水」，張潤衡今天接受本報專訪回應時，一度淚灑人前。
被問到是否後悔台灣之旅，張潤衡長嘆一下回應：「無後悔，唔會後悔，我朝早都有點情緒失控，跟媽媽講了一句：『點解我走咗去讀心理學？』，好似抱怨阿媽叫我去幫人，因為係阿媽叫我回組織幫手。 」說到此處，張潤衡突然十分感觸，以嚴重灼傷的右手托了一下眼鏡，舉手示意不能再繼續開口說話。
他回氣後接着說：「我張潤衡有今日，我攞傑青時我講過，我今日係傑出係因為背後有很多傑出的人撐我，我有今日，我的學習學識中......」還未說完這句，張潤衡又再度落淚，停頓約7秒才接着說：「我係真係做緊好事，我真係幫到佢哋，這是我的職責，我的信念，因為我是社工來的，我接受過社工的訓練，我接受的信念是我要助人自助，我要幫助佢哋，我一係唔參加唔做，我要做， 我唔會離地，我就要落地去做。」
對於網民指責他「抽水」，張潤衡稱，「不會怪網民，佢哋都係一番好意，以為我真係抽水，所以攻擊我，我覺得佢哋做嘅係啱，相信只係一個誤會的出現，係一點的誤解」。他又澄清不是自己主動帶傳媒去台灣，只是希望運用傳媒的力量幫助同路人籌款。