建制派政改表決「甩轆」事件愈演愈烈，更引起建制內鬥。有份「等埋發叔」的新民黨田北辰稱建制派非常團結，「團結到有時『執生』勇氣未必有」。
田北辰今早在商台節目指，表決當日他預備了講稿，「我係好想講」，但當時大家都同意先等泛民議員發言，「大家說服了大家」。他形容建制非常團結，團結到未必有「執生」勇氣，「去到我想講嗰時，有人畀眼色我」。
至於有指建制派因怕投贊成票引發場外不滿聲音，田北辰直言：「人邊有咁高級，就算有人諗得到咁嘅嘢，執行起上來邊會咁天衣無縫。有時啲嘢發生好簡單，無人估到12點（表決）。」
田北辰表示，不想再多討論事件，但重申他不同意為了一個人冒大風險，「等邊個、應唔應該等，已經無關係。如果當時唔離開，就係貢獻咗壓倒性結果」。