港區人大代表、工聯會榮譽會長鄭耀棠以「教仔」形容中央和泛民關係，又指若政改要變，意味不接受中央管治。
鄭耀棠接受傳媒訪問時稱，中央已經忍了18年，若每次泛民「扭計」就可得到想要的東西，便難以管治13億人口，亦對不起建制派，「18年我（中央）都忍過去，但你踩一步，埋一步，如果『lur地』就有，我點管13億人口？我點對得住班建制派？讓咗畀你，但失了建制派，中央會唔會咁蠢？」
他表示，中央已立定決心改變這種政治文化，「總之政改係我話事，定好咗就係咁樣，如果要變，意味你唔接受中央的管治」。
鄭耀棠重申，泛民最怕失去自己「光環」，擔心特首由500萬人選出，「光環」便會在特首一方，「自己無say（話語權），無資格再鬧啲官，咪驚囉，但佢哋死都唔認有呢個心魔……連呢句說話（勸喻泛民袋住先）都犯天條，完全容納唔到，（泛民）幾獨裁呢。」
鄭耀棠亦反駁「國際標準」及「袋一世」，稱全部均站不住腳，「問他們有什麼『國際標準』，又講唔到；美國總統選舉是否『真普選』，又唔敢講」。至於提委會公司票轉個人票，他直言無可能，「商界唔反到七彩？」
被問到是否代表政改最終會「自然死亡」，鄭耀棠指視乎泛民是否有「正義勇敢的中國人」站出來。
【重要消息﹕全文披露】http://news.mingpao.com/pns1505261432577551357【尊嚴何在？】本報偵查發現一間護老院的職員，在露天平台將多名長者脫至全裸後才推入浴室洗澡，附近大廈居民清楚見到過程。本報與職員對質，對方這樣回應......詳情請留意明日《明報》。
Posted by 明報即時新聞 on 2015年5月25日