朋友兒子屬「黃絲」　蔣麗芸被要求教仔 (08:44)

蔣麗芸表示，周日與朋友一家飲茶， 對方一坐下就指着其兒子向她說：「我嘅仔係黃絲帶，你幫手教下佢。」她稱，該友人兒子之後便「一輪嘴」與她談論政改。

蔣麗芸所述與「黃絲帶」對話如下：

蔣：蔣麗芸　仔：友人兒子

仔：Auntie，你為什麼不支持真普選？

蔣：咩叫真普選？

仔：冇篩選就係真普選！

蔣：邊種選舉係冇篩選？

仔：中央話只畀愛國愛港人仕（士）參選，即係要篩走泛民！

蔣：要求參選人愛國愛港係好正常喎，如果唔愛國愛港咁重參選嚟做乜？

仔：但係今次唔爭取更民主嘅方案，以後就冇囉！

蔣：基本法講明選舉辦法係可以修改嘅！但係今次過唔到就真係唔知重有冇啦！

仔：但係假如將來中央收回管治權，假如唔畀香港人言論自由，假如一國兩制變咗一國一制，假如……。

蔣：假如……假如……點解你唔諗假如通過政改，香港少咗爭拗，政府可以專心做多啲事重好啦。