港區全國人大代表譚惠珠、蔡素玉、羅范椒芬今日在北角街站簽名支持政改方案,並協助派發宣傳單張。不過有市民不滿,接過譚惠珠派發的傳單後當面撕爛,亦有人與蔡素玉爭論,質疑政改方案。
市民陳太下午4時許在北角保普選街站,向蔡素玉「挑機」,質疑提委會1200人不代表市民。蔡解釋《基本法》中寫有「均衡參與」的準則,即被陳太反駁「即是《基本法》無寫過千二人啦」,又指市民是食提委會「二手飯」。
蔡素玉在陳太提出質疑期間,表示「做緊野」,建議稍後討論:「我唔介意你等我15分鐘,我哋叫4點半再同你傾好唔好?」陳太稱:「你根本就解唔到,嗰千二人何來均衡參與」,之後離開。
二人爭論期間有一長者走近向蔡素玉表示,「我支持你,唔好同呢啲漢奸賣國賊講」,陳太表示自己愛中國,該長者又稱:「我無話你係漢奸。」陳太反問「請問邊個係漢奸?」對方指:「英國佬放個屁嗰啲就代表佢係漢奸」。