梅媽稱5萬生活費不夠用　法官：說話要有分寸，很多人一半都賺不到，還要養全家！ (11:12)

梅媽於庭上「訴苦」，表示現時每月只得5萬元生活費，不足夠應付醫藥費及生活所需，並聲稱「我係遺產受益人，但最慘就係我，我12萬（生活費）嘅時候咩都唔使求人」，又反問法官陳江耀「係咪阿梅叫你唔畀嘢我食？」

法官回應說：「你要發脾氣就喺到發啦，我唔會怪責你」，又強調早前就梅媽生活費的裁決乃根據法律，沒帶個人喜好，「我無選擇，我可以嘅話都想畀晒你。我唔介意你上嚟鬧我，我只要肯定我做嘅嘢係無錯」。

法官又特別提及，梅媽每月獲發的5萬元生活費中，有2萬元是給她用來交租，「但你一毫子都無用嚟交租，全部使晒」。梅媽聞言反駁，「我唔使食呀？依家5萬蚊好多咩？」法官語帶激動地說，「覃女士你講嘢要有分寸，好多人一半都賺唔到，仲要養成頭家！」梅媽回應說，「我使唔使做到咁？養頭家我都試過，日一份夜一份，甜酸苦辣我都試過」。

梅媽庭外紅着眼說，兒子梅啟明無法自立，「要佢自立？叫佢脫離我？佢做得啲咩？做倉務員？揾得幾多錢呀？」

梅艷芳的遺產管理人匯豐及受益人之一的妙境佛學會均表示，初步不反對梅媽的申請，但由於梅媽仍未向破產管理人派送傳票，法官將案押後至下周二，以了解其立場後再作決定。