上水河上鄉八旬女村民劉愛嬌，2009年被上水鄉事委員會主席侯志強和一名地產代理，開價要求離開佔用耕種的農地，老婦拒絕後農地被人傾倒泥頭破壞。高院今早判侯志強敗訴，侯事後高呼「天理何在」，着記者訪問劉愛嬌。劉愛嬌則反駁指「他（侯志強）好巴閉，以為有百幾萬」。
侯志強將案件比喻為「阿爺留塊地畀我，去英國讀十多年書回來後，間屋被人霸咗，天理何在」，又要求記者訪問劉愛嬌，「唔好畀我一個講晒，你們有無睇《今日睇真D》，那個節目做得非常好，依家係執笠台，一定要兩邊採訪，如實報道，依件事好睇過大戲」。
劉婆婆則對記者說，「我間屋十幾年，不是假的」，又反駁「他（侯志強）又話我的兒子多，所以我惡，我不是惡，我唔偷唔搶。」記者追問她會否對勝訴感到高興，她則稱「不開心」，因為現時無得耕作，「有錢都無咁開心，他（侯志強）好巴閉，以為有百幾萬」。
劉愛嬌又指不滿意賠償，稱官司纏身期間心臟病發，醫生耗費過百萬，加上7年來損失農耕收入，每天300至1000元收入，只望耕地從復舊貌，繼續耕種。
相關字詞﹕編輯推介